PAMMUJI 87:7 - KITTA' MATANGKASA'

⁷ La'jogeki siagang lakkelongi ke'nanga, “Sion iami tampa' kabattuangku!”

PAMMUJI 87:7 ပူးပေါင်းရင်းမြစ်များ

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

1 PATTOTTORANG 23:5

nia' 4.000 nasare tugasa' a'jari pangawala', siagang 4.000 pole untu' ammuji Batara siagang pakkakasa' musi' niaka nipasadia.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.

PAMMUJI 68:26

A'jappai ri dallekang sikamma pakelonga, ri bokona sikamma pakarena kacapia; ri tangngana sikamma tulolo patunrung rabanaya; kammaminne kelonna ke'nanga:

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

YEHEZKIEL 47:1

Naeranga' anjo tu bura'nea ammotere' mange ri pakke'bu' antamaya ri Balla'Na Batara. Nia' kucini' je'ne' a'lo'loro' battu rawanganna anjo pakke'buka a'lampa anrai', sangkamma Balla'Na Batara a'dalle' anrai' tongi. Anjo je'neka a'lo'loroki battu ri rawanganna pakke'bu' lompona Balla'Na Batara bageang timboro', allalo ri sa'ri timboranna tampa' pakkoro'bangnganga.

YOHANES 1:16

Lompoi ri pangngamaseang; tena le'bakai ammari, assare barakka' ri katte.

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!