PAMMUJI 86:5 - KITTA' MATANGKASA'

⁵ IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

PAMMUJI 86:5 ပူးပေါင်းရင်းမြစ်များ

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

PAMMUJI 103:3

Iami ampamopporangi sikontu dosanu, ampamollei sikontu garrinnu,

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PAMMUJI 119:68

Saba' ikatte bajikKi' siagang bajiki Kigaukanga, ajaria' ri sikamma katantuanTa.

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 145:18

A'reppeseki mae ri tau akkioka mae ri Ia, siagang appalaka mae ri Ia siagang tulusu' pa'mai'na.

PAMMUJI 25:8

Saba' Batara bajiki na adele', Napicinikiangi oloang tau lingua.

PAMMUJI 36:7

KabajikanTa ammentengi nai' santinggi monconga, kaadelanTa sangkamma lantanna tamparang lompoa; Kiparakai rupataua siagang olo'-oloka, o, Batara.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 52:1

Untu' pamimping pakelong. Kelong pangngajara'na Daud,

PAMMUJI 69:14

Mingka appala' doanga' mae ri Katte, o, Batara, o, Allata'ala, pialia' punna baji' wattua. Kitulung laloa' lanri pangngamaseang lompoTa siagang lanri tamamminraTa.

PAMMUJI 69:16

TeaKi' balang parekangia' nilo'lorang ri bombang manaika, siagang tallang ri dapara'na tamparanga yareka ri kuburu' lantanga.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YEHEZKIEL 36:33

Nakana Batara Kaminang Tinggia, “Punna le'ba' mako Kutangkasi battu ri sikontu dosanu, laKupa'biang mako ammantang ammotere' ri kota-kotanu, siagang ambangungi ammotere' battu ri rumbanna.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

LAMPA-LAMPANA 2:21

Anjo wattua, inai-nai akkio' mae ri Batara iami lanipasalama'.’

EFESUS 2:4

Mingka teai sipato' lompona kabajikang pa'mai'Na Allata'ala! Sanna' Nakamaseanta,