PAMMUJI 86:2 - KITTA' MATANGKASA'

² Kijagai tallasakku, saba' iKatte angkamaseanga', pasalamaki atanTa ia tappaka mae ri Katte.

PAMMUJI 86:2 ပူးပေါင်းရင်းမြစ်များ

PAMMUJI 119:94

Kipasalama' laloa', saba' inakke anne iKatte ampatanga', le'ba'mi kuusahai mannuruki ri kaputusanTa.

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

PAMMUJI 143:12

Lanri pangngamaseanTa Kitumpasaki sikontu musungku, kiancuruki sikontu tau anjallakkangia', saba' inakke atanTa'.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

PAMMUJI 18:19

Nabakkaia' ke'nanga ri wattu natujuku bala, mingka Batara a'jari pannulungku.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

PAMMUJI 31:1

Untu' pamimping pakelong. Pammujina Daud.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 4:3

E, ikau ngaseng taua, siapapi sallonu lampakatunai Allata'alaku? Sa'ge kerepi wattu lanutanring apa tenaya matu-matunna lanuondang apa tenaya natojeng?

PAMMUJI 50:5

Nakana, “Passe'rei sikontu ummakKu, le'baka appare' parjanjiang siagang iNakke, nipakajarreka siagang koro'bang nipolong.”

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

YOHANES 17:11

Kamma-kamma anne battuMa' mae ri Katte. Tenamo naKuammantang ri linoa; mingka ia ke'nanga niaki ilalang lino. IKatte Bapa' Matangkasa'! Kijagai laloi ke'nanga ilalang koasana arenTa, iamintu areng le'baka Kipassareang mae ri Nakke – sollanna a'jari se're ke'nanga, sangkamma iKatte siagang iNakke se're tonjaKi'.

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.