PAMMUJI 86:16 - KITTA' MATANGKASA'

¹⁶ Kiparhatikanga' siagang Kikamaseanga', Kipakajarreka' siagang Kipasalamaka', saba' sangkamma ammakku, nakke manynyomba tonga' mae ri Katte.

PAMMUJI 86:16 ပူးပေါင်းရင်းမြစ်များ

PAMMUJI 116:16

Inakke anne atanTa, o, Batara, sanrapang ammakku, anynyomba tonga' mae ri Katte Kilappassamma' battu ri tahananga.

PAMMUJI 119:132

Assaile maKi' mae ri nakke siagang Kikamaseanga', sangkamma Kikamaseanna tau mangngaia ri Katte.

PAMMUJI 119:94

Kipasalama' laloa', saba' inakke anne iKatte ampatanga', le'ba'mi kuusahai mannuruki ri kaputusanTa.

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

PAMMUJI 25:16

Cinikia', siagang kamaseanga', saba' Napasalamakka' battu ri bahayaya.

PAMMUJI 41:5

Kukana, “Dorakama' mae ri Katte, o, Batara, kamaseanga' siagang Kipammollea' ri garringku.”

PAMMUJI 69:16

TeaKi' balang parekangia' nilo'lorang ri bombang manaika, siagang tallang ri dapara'na tamparanga yareka ri kuburu' lantanga.

PAMMUJI 84:5

Tamaka mate'nena tau ammantanga ri BallatTa, na tuli makkelong lagu pammuji mae ri Katte.

PAMMUJI 90:13

O, Batara, sa'genna siapa salloTa lalarro? Ammotere' lalo maKi' siagang Kikamaseangi ata-atanTa.

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

LUKAS 1:38

Nakanamo Maria, “Inakke anne, atanNa' Allata'ala; boli'mi kamma nakajariang ri nakke, antu kipakkanaya.” Le'baki anjo a'lampami anjo malaekaka ambokoi Maria.

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',