PAMMUJI 85:9 - KITTA' MATANGKASA'

⁹ Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

PAMMUJI 85:9 ပူးပေါင်းရင်းမြစ်များ

PAMMUJI 119:155

Tau ja'dalaka tena nalanipasalama', lanri tena namannuruki ri katantuanTa.

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

YEREMIA 23:35

Kabalekanna, tunggala' taua mustina napakkuta'nangngangi mae ri aganna siagang kaluargana angkanaya, ‘Apa pappiali battu ri Batara?’ yareka ‘Apa Nakana Batara?’

YEREMIA 23:37

Akkullea bawang napau mae ri na'bi-na'bia iamintu angkanaya, ‘Apa papialinNa Batara mae ri kau? Apa Nakana Batara?’

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YEHEZKIEL 3:10

Nampa pole Nakana Allata'ala, “He tau, parhatikangi baji'-baji' siagang u'rangi sikontu apa laKupaua mae ri kau.

HABAKUK 2:1

Eroka' nai' ri menara pa'jagaangku, nampa kutayang apa eroka Napau Batara mae ri nakke, siagang antekamma pappialinNa mae ri kunrarengku.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

LAMPA-LAMPANA 13:16

Ammentemmi Paulus, nanaangka' limanna, nampa nakana, “Sikamma sari'battangku bansa Israel, kammayatompa sari'battangku ngaseng maraengannaya, niaka anrinni, anynyombaya ri Allata'ala. Pilangngeri sai anne kana kupabattua:

1 SAMUEL 3:9

Jari nakanamo ri Samuel, “Attinro mako ammotere'. Napunna nikiokko pole, appiali mako angkana, ‘Appau maKi' Batara, nappilangngeri atanTa.’ ” Nampa a'lampamo pole Samuel mange ri katinroanna.