PAMMUJI 84:2 - KITTA' MATANGKASA'

² Tamaka appakasannanna tampa' pammantanganTa, o, Allata'ala Kaminang Koasaya!

PAMMUJI 84:2 ပူးပေါင်းရင်းမြစ်များ

AYUB 23:3

Ah, ka'de'ji nakuasseng kemae tampa' Napammantangngi, sollangku akkulle a'lampa, mange assibuntulu' siagang Ia.

PAMMUJI 119:20

Pa'risiki pa'maikku napakamma nakku', sikontuna wattu erokka' angngassengi hukkunTa.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

PAMMILANGNGANG 24:5

Tamaka ga'gana kema-kemanu he Yakub, siagang tampa'-tampa' pammantangannu, he Israel!