PAMMUJI 83:13 - KITTA' MATANGKASA'

¹³ lanri nakanamo ke'nanga, “Umba naniempoi butta pammantanganNa Allata'ala.”

PAMMUJI 83:13 ပူးပေါင်းရင်းမြစ်များ

AYUB 13:25

Inakke poro leko' kayu runanja' niiri' ri anging numalo, angngapa naKipannekkere' kamma'! Inakke poro rarame kalotoro' siagang kalumenja' bawang, angngapa nakkulle Kiondang kamma dudua'!

AYUB 21:18

Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

PAMMUJI 22:1

Untu' pamimping pakelong. Situru' lagu: Jonga ri wattu bari'basa'. Pammujina Daud.

PAMMUJI 35:5

Boli'mi kamma niondang ke'nanga ri malaeka'Na Batara, sanrapang awang nipasiara' ri anging.

PAMMUJI 44:4

Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

YEHEZKIEL 35:10

Nupaui angkanaya baji' Yehuda kammayatompa Israel siagang buttana massing ikau pata, siagang angkanaya lanupatangi manna pole naiNakke, Batara, Allata'alana ke'nanga.

YEHEZKIEL 36:2

‘Ri wattunna bansa-bansaya ri tammulilinu nabundukiko siagang naellakko, nahinai ke'nanga sikontu Israel. Rannui ke'nanga a'bicara angkanaya kamma-kamma anne anjo sikamma bulu'-bulu' battu riolo dudua iami ke'nanga pata. Lanri kammana anjo he moncong-monconga siagang bulu'-buluka, pangka-pangka binangaya siagang sikamma ka'bunga, he kota-kota ancurukamo a'jari rumbangngang siagang nibokoiamo ri tau ammantanna, kammayatompa niellaka siagang nicau-caua ri bansa-bansa niaka ri tammulilina, pilangngeri apa kananNa Batara Kaminang Tinggia mae ri kau: Lalang a'rerena larroKu Kucallai bansa-bansa niaka ri tammulilinu siagang kammaya Edom, lanri rannuna anghinako, na naalle passa buttaKu siagang narampasa' parang-parang ruku'na. Kamma-kamma anne larroA' siagang a'jalloKa' lanri anjo bansa-bansaya sanna' dudu nahinanu siagang napakatunako.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”