PAMMUJI 83:10 - KITTA' MATANGKASA'

¹⁰ Gau' kammami ke'nanga tu Midian, sangkamma Sisera siagang Yabin ri Binanga Kisyon,

PAMMUJI 83:10 ပူးပေါင်းရင်းမြစ်များ

2 KARAENG-KARAENG 9:37

nampa sikamma tassesaya battu ri anjo maya'na latassiaraki sanrapang tai olo'-olo', sa'genna tena manna sitau lakkulle ambatei angkana inai maya' anjo.’ ”

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

YOSUA 17:11

Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

HAKING-HAKING 4:15

Nampa nabunduki Sisera. Na nipa'jari kacomo ri Batara anjo tantarana Sisera siagang kareta-kareta bundu'na. Sa'genna naummi Sisera battu ri kareta bundu'na, nampa lari a'jappa bangkeng.

HAKING-HAKING 4:16

Naondammi Barak anjo kareta-kareta bunduka siagang tantara musua sa'genna mange ri Haroset-Hagoyim. Nampa nabuno ngaseng sikontu tantarana Sisera. Tena manna sitau nalappasang attallasa'.

HAKING-HAKING 5:21

Allumpami je'ne'na Binanga Kison allo'lorangi musua. Maju, majumako tubarani, ikau nyawaku!

HAKING-HAKING 7:25

Nia' rua pamimpinna tu Midian najakkala' anjo ke'nanga iamintu niarenga Oreb siagang Zeeb. Nibunoi Oreb ri Batu Oreb, na Zeeb nibunoi ri tampa' pammaccokang anggoro'na Zeeb. Anjo tu Efraim naondang tulusuki tu Midianga nampa naerang ulunna Oreb siagang Zeeb mae ri Gideon, ri biring rayana Yordan.

1 SAMUEL 28:7

Lanri kammana anjo nakanamo Saul mae ri pagawena, “A'boyako sitau sanro baine pakkio' nyawa tu mate, kaerokka' a'lampa mange ri ia untu' appala' pitunju'.” Appialimi ke'nanga angkana, “Ri En-Dor nia' sanro kammaya anjo.”