PAMMUJI 82:8 - KITTA' MATANGKASA'

⁸ Battu maKi' o Allata'ala, adelimi linoa, saba' sikontu bansaya iKatte ngaseng pata.

PAMMUJI 82:8 ပူးပေါင်းရင်းမြစ်များ

PAMMUJI 102:13

Mingka iKatte, o, Batara, Karaeng satunggu-tunggua, tuli niu'rangiKi' ri sikontu turungang.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

PAMMUJI 22:28

Sikontu bansaya langngu'rangi ri Batara nampa ammotere' mae ri Ia, sikontu suku bansaya lasu'juki anynyomba mae ri Ia.

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAMMUJI 94:2

Ammenteng maKi', o, Hakinna sikontu linoa, Kiadelimi tau tampoa situru' panggaukanna ke'nanga.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”