PAMMUJI 82:5 - KITTA' MATANGKASA'

⁵ Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

PAMMUJI 82:5 ပူးပေါင်းရင်းမြစ်များ

AYUB 8:9

Tallasatta bodoji, tena apa-apa niasseng; allota sanrapanji bayang-bayang.

PAMMUJI 11:3

Punna panra'mo atoranna katallassang tau jaia, tenamo pakkullena tau bajika.”

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PAMMUJI 53:4

Mingka sikontu taua sala gau' ngasemmi siagang panra'mi, manna sitau tania' a'gau' baji'.

PAMMUJI 75:3

Nakana Allata'ala, “Ri wattu le'bakamo Kupattantu, laKuadeli taua siagang adele'.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PANGNGEBARANG 1:29

Sangkamma ngasengko tau tenaya nale'ba' nungai anggappa pangngassengang, kammayatompa limpuruki bukunnu mannuruki ri Batara.

PANGNGEBARANG 2:13

Taerokai ke'nanga anturuki nikanaya cara attalasa' bajika; oloang sassang siagang rassia dosa naolo ke'nanga.

KATO'BA 2:14

Tau cara'deka akkullei nacini' oloang lanatujua; tao toloa rapang angngosalaki ri pa'jappanna.” Mingka kuasseng tongi angkanaya sangkammaji sare lanagappaya ngaseng ke'nanga.

KATO'BA 3:16

Nia' pole kucini' ri anne linoa: kemae mustina nia' kaadelang siagang kabajikang, anjoremmi nia' kaja'dallang.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YESAYA 59:9

Nakana anjo bansaya mae ri Allata'ala, “Kamma-kamma anne naassemmi ikambe angkana angngapa natena Kipasalamaki ikambe battu ri tau anjallakkangai ikambe. Attayangi singara' ikambe, mingka ia niaka sassanji bawang.

MIKHA 3:1

Pilangngeri, he ikau sikamma tukoasana Israel! Mustina nuassengi nikanaya apa adele',

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 3:19

Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.