PAMMUJI 80:9 - KITTA' MATANGKASA'

⁹ UmmatTa sanrapangi poko' anggoro' Kipaletteka battu ri Mesir. Kibongkai bansa-bansa maraenga, nampa Kilamung anjo pokoka ri pa'rasanganna ke'nanga.

PAMMUJI 80:9 ပူးပေါင်းရင်းမြစ်များ

2 SAMUEL 7:10

Nampa pole, untu' ummakKu Israel le'ba'mi Kupasadiang tampa' siagang Kusuroi ke'nanga ammantang tuli anjoreng, sollanna akkulle sannang tallasa'na ke'nanga, tenamo naniricui pole. Baku' battuna ke'nanga mae anrinni ri buttaya riolo, na Kuangka' pamimping-pamimpinga untu' ke'nanga, nibunduki ke'nanga ri sikamma tau mangngaia ri gau' katerassang, mingka anjo passala' kammaya tenamo nalakajariang poleang. A'janjiA' angkanaya laamangko battu ri sikontu musua, siagang laKusareko jari-jari.

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

1 PATTOTTORANG 21:5

na nalaporo' mae ri Karaeng Daud wassele'na anjo bilanga. Ia jaina tu bura'ne akkullea a'jari tantara iamintu 1.100.000 tu Israel, siagang 470.000 jaina tu Yehuda.

PAMMUJI 105:44

Buttana bansa-bansaya Nasareangi ke'nanga, koko-kokonna ke'nanga Napa'jari umma'Na pata,

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

YESAYA 27:2

Anjo wattua laNakana Batara, “Akkelongko ri passala' koko anggorokKu ga'gaya.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

YESAYA 37:31

Tu Yehuda niaka ija attallasa' lakala'biangi lalang tallasa'na, rapang lamung-lamung lantang sikalia aka'na, nabaji' rapponna.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

YOSUA 24:12

Ri wattunnu maju ambunduki ke'nanga, Kupa'jari lingui ke'nanga siagang Kupa'jari mallaki ke'nanga, sa'genna larimo anjo ruaya karaeng tu Amori napakamma malla'. Teai pa'dannu siagang teai todong pananu assareko pammetang.