PAMMUJI 80:8 - KITTA' MATANGKASA'

⁸ O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

PAMMUJI 80:8 ပူးပေါင်းရင်းမြစ်များ

PAMMUJI 31:17

Poro nia' pangngellainTa mae ri atanTa; pasalama' laloa' lanri pangngamaseanTa.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

YEHEZKIEL 15:6

Lanri kammana anjo Nakanamo Batara Kaminang Tinggia, “Rapang kayu poko' anggoro' niallea battu ri romanga nampa nitunu, kammatommi anjo laKugaukangi pandudu'na Yerusalem!

YEHEZKIEL 17:6

Anjo lamung-lamunga a'jari poko' anggoro' attimbo tena natinggi, mingka luaraki batena a'la'ba'. Sikamma tangkenna tattuju mangei ri anjo jangang-jangang rajawalia, siagang aka'-aka'na anna'gala' jarreki lalang ri buttaya. Teai sipato' copponna leko'na anjo poko' anggoroka.

YEHEZKIEL 19:10

Amma'nu rapangi poko' anggoro' ga'ga attimboa ri koko a'biring pangka binangaya. Coppongi leko'na na'rappo lanri alla'bina je'neka anjoreng.

LAMPA-LAMPANA 7:45

Nampa naerang boe-boeta siagang Yosua anjo pa'balla'-ballakanNa Allata'ala ri wattunna a'lampa ke'nanga ambunduki nampa naalle ke'nanga anne pa'rasanganga battu ri kakoasanna bansa-bansa nibongkaya ri Allata'ala battu ri dallekanna ke'nanga. Niaki anjoreng anjo pa'balla'-ballakanNa Allata'ala sa'genna jammang pamarentahanna Daud.

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.