PAMMUJI 80:14 - KITTA' MATANGKASA'

¹⁴ Nikekkeseki ri bawi romang sa'genna panra', na nikanre ri olo'-olo' paranga.

PAMMUJI 80:14 ပူးပေါင်းရင်းမြစ်များ

PAMMUJI 33:13

Battu ri suruga accini' naung Batara, na Nacini' sikontu umma' rupataua.

PAMMUJI 7:7

Ambangung maKi' lalang larroTa, o Batara, ewai jallo'na musu-musungku. AmbangungKi' untu' antulunga', saba' Kituntuki kaadelanga.

PAMMUJI 90:13

O, Batara, sa'genna siapa salloTa lalarro? Ammotere' lalo maKi' siagang Kikamaseangi ata-atanTa.

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

PIRAUNG 3:50

sa'genTa iKatte Batara niaka battu ri suruga amparhatikangi ikambe.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

MALEAKHI 3:7

Sangkamma boe-boenu riolo, ammengka ngaseng mako battu ri hukkung-hukkungKu siagang tena numajarre' anggaukangi. Ammotere' mako mae ri Nakke, na Kuammotere' todong mae ri kau. Mingka akkuta'nangko angkana, ‘Apa musti nagaukang ikambe untu' ammotere' mae ri Katte?’

LAMPA-LAMPANA 15:16

Nakana Batara, ‘Le'baki anjo labattu poleangA', laKupabangung poleangi balla'na Daud, le'baka rumbang laKupakabajiki ri rumbanna, nampa Kupaenteng poleang;