PAMMUJI 80:13 - KITTA' MATANGKASA'

¹³ O, Allata'ala, angngapa Kirumbangi kalli'na, sa'genna sikamma tau allaloa akkulle ngasengi naalle rapponna?

PAMMUJI 80:13 ပူးပေါင်းရင်းမြစ်များ

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

PAMMUJI 89:42

Sikontu tau allaloa anrampasaki apa-apanna, a'jari tunicau-caui ri bansa-bansa siampi'na.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

YEREMIA 52:7

nirumbammi tembo'na kotaya ri musua. Anjo bangngia, manna pole nasitabang nakurung tu Babel anjo kotaya, sikontu tantara Yehuda lari mange ri Lappara'na Yordan. Anjorengi ke'nanga ri koko balla' karaenga angngolo, nampa assulu' battu ri pakke'bu' lompoa ampasisambungai ruaya tembo' ri anjo tampaka.

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

NAHUM 2:3

Pannangkisi'na musua ejai tanja'na, nampa pakeanna kontui cera'. Sadiami musua untu' a'bakka. Rapang pepe', accillaki bassi karetana. Sikontu jaranna a'lumpa'-lumpaki.