PAMMUJI 79:10 - KITTA' MATANGKASA'

¹⁰ TeaKi' lappassangi bansa maraenga akkuta'nang ri kambe, angkana, “Kemaeji Allata'alana ke'nanga?” Boli'mi kamma naccini' ikambe pa'balasa' mae ri bansa-bansa ambunoai ata-atanTa.

PAMMUJI 79:10 ပူးပေါင်းရင်းမြစ်များ

PAMMUJI 115:2

Angngapai bansa-bansaya namusti angkana, “Kemae Allata'alana ke'nanga?”

PAMMUJI 42:10

Kukana ri Allata'ala, mappatojengku, “Angngapa naKikaluppaia? Angngapa kumusti tulusu' pa'risi', lanri nijallakkang ri musu-musungku?”

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 42:3

Nakkuka' ri Allata'ala mattallasaka, angngapapi kunampa akkulle mange assambayang ri Balla'Na?

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

YEREMIA 51:35

Pandudu'na Sion, paumi angkana, “Dasi-dasi nanituju Babel ri kapallakkang sangkammaya nagaukanga mae ri katte!” Pandudu'na Yerusalem, paumi angkana, “Dasi-dasi nanituju Babel ri kapa'risang sangkammaya napabattua mae ri katte!”

PIRAUNG 1:22

Parhatikangi anjo sikontu kaja'dallanna ke'nanga, na Kigaukang mae ri ke'nanga kamma Kigaukanga mae ri nakke lanri sikontu dosa kugaukanga mae ri Katte. Akkunrarenga' lalang ri ballasakku, si'na nyawaku kuta'ronang-ronang.”

YEHEZKIEL 36:23

LaKupicinikiangko anjo katangkassanna areng malompoKu, iamintu areng le'baka nura'massi ri tangnga-tangngana bansa-bansaya, sa'genna nuassemmo angkanaya iNakkemi Batara. INakke, Batara Kaminang Tinggia anne akkana. LaKupakeko untu' ampappicinikangi mae ri bansa-bansaya angkanaya iNakke anne matangkasakKa', Batara tenaya ruanna.

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!