PAMMUJI 78:8 - KITTA' MATANGKASA'

⁸ sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

PAMMUJI 78:8 ပူးပေါင်းရင်းမြစ်များ

2 KARAENG-KARAENG 17:14

Mingka taerokai tu Israel siagang tu Yehuda mappilangngeri. Kapala batui ke'nanga sangkamma boe-boena ke'nanga tenaya natappa' mae ri Batara, Allata'alana ke'nanga.

2 PATTOTTORANG 12:14

Dorakai panggaukanna Rehabeam lanri tena nagaukangi ero'Na Batara.

2 PATTOTTORANG 19:3

Mingka manna nakamma nia' tongija apa baji' ri kalenta. Le'ba'mi Kipakabella sikontu patunna Dewi Asyera nasombaya ra'yaka siagang kiusahakang tommi anggaukangi ero'Na Allata'ala lalang tallasatta.”

2 PATTOTTORANG 20:33

Mingka tampa'-tampa' panynyombanga ri barhalaya tena nanaancuruki. Tenapa nattojeng-tojeng pa'mai'na ra'yaka anynyomba mae ri Allata'alana boe-boena ke'nanga.

2 PATTOTTORANG 30:19

“O Batara, Allata'ala nasombaya boe-boena ikambe, dasi-dasi nalanri kabajikang pa'maitTa naKipamopporangi ke'nanga anne niaka attojeng-tojeng nyawana anynyomba mae ri Katte, manna pole natasiratanga ke'nanga lanri tenanapa natangkasi kalenna.”

2 PATTOTTORANG 30:7

Teako sangkammai boe-boenu siagang tu Israel maraenga tenaya namajarre' tappa'na mae ri Karaeng Allata'alana ke'nanga. Nucini'mi kalennu antekamma battala'na hukkungang Napabattua Karaeng Allata'ala mae ri ke'nanga.

AYUB 11:13

Ayub, tangkasi pa'mai'nu, nampa assesse' lalang! Appala' doangko mae ri Allata'ala!

PAMMUJI 106:7

Wattunna ri Mesir tena napahangi boe-boena ikambe; tanapahangai bate pare' malompoTa. Nakaluppai pangngamaseang alla'biTa, ri ampi'na Tamparang Alara' angngewai ke'nanga mae ri Kaminang Tinggia.

PAMMUJI 68:6

Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

PAMMUJI 78:37

Tena namajarre' ke'nanga mae ri Ia siagang tena nata'gala' jarreki parjanjianNa.

PAMMUJI 78:40

Tamaka ma'mole-molena ke'nanga angngewa ri Ia, siagang napa'risi pa'mai'Na ri wattunna ri parang lompoa.

PAMMUJI 78:56

Mingka angngewai ke'nanga siagang naso'ri Allata'ala Kaminang Tinggia, tanaturukiai ke'nanga parenta-parentaNa.

KALAPPASSANG 32:9

Kuassengi angkanaya anjo bansaya sanna' kapala batuna.

KALAPPASSANG 33:3

Lamangeko ri butta kalumanynyanga siagang copponga. Mingka iNakke KalengKu tena Kula'lampa siagang ikau ngaseng, sollanna tena naKuancurukko ri tangngana aganga, lanri ikau bansa kapala batu ngasengko.”

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YEHEZKIEL 20:18

Kabalekanna sikamma tau rungka-rungkaya ri tangnga-tangngana ke'nanga, Kupakaingaki kamma anne, ‘Teako turuki paratorang-paratorang napareka boe-boenu. Teako palembai kabiasanna ke'nanga siagang tea tongko ra'massi kalennu lanri anynyombako ri barhala-barhalana ke'nanga.

YEHEZKIEL 20:8

Mingka angngewai ke'nanga ri Nakke siagang taerokai mappilangngeri ri Nakke. Taerokai ke'nanga ampelaki anjo patung-patung appakaringika kammayatompa taerokai ammari anynyomba ri barhala-barhalana Mesir. Ri wattunna anjorengija ke'nanga, sadiaMa' ero' ampabattui larrroKu mae ri ke'nanga.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

PAOLE 9:13

Nakana pole Batara ri nakke, ‘Kuassengi angkana teai sipato' kapala batuna anjo bansaya.

PAOLE 9:24

Baku'nu kuasseng, tuli tenana numappilangngeri mae ri Batara.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

1 SAMUEL 8:8

Ri Kueranna ke'nanga assulu' battu ri Mesir, nabokoiMa' ke'nanga nampa anynyomba ri rewata-rewataya. Na apa anjo nagaukanga ke'nanga mae ri kau, iatommi anjo le'ba' nagaukang ke'nanga mae ri Nakke.