PAMMUJI 78:71 - KITTA' MATANGKASA'

⁷¹ battu ri tampa'na ammarakai anrong gimbala', untu' angkalawaki Israel umma'Na.

PAMMUJI 78:71 ပူးပေါင်းရင်းမြစ်များ

PA'JARIANG 33:13

Nampa nakanamo Yakub, “Kiassengi angkana dodongi sikamma anne ana'-anaka. Siagang musti tutua' ri sikamma anne olo'-olo' appasusua. Punna akkaro-karoi niemba, manna nasiallo bawang, ma'nassa lamate ngasengi anne olo'-oloka.

2 SAMUEL 20:19

Anne kotana ikambe iamintu kota Abel lompoi, kala se'renna kota kaminang amanga siagang tamamminraya pa'mai'na ri butta Israel. Angngapa nakiero' angngancuruki? Erokki' ampanraki buttaNa Batara?”

2 SAMUEL 24:17

Naciniki Daud anjo malaeka' ambunoai taua, nampa nakana mae ri Batara, “Inakke doraka, lanri inakke anggaukangi anjo kasalanga. Mingka apa kasalanna anjo bansaya? Inakkemo hukkung siagang kaluargaku!”

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

1 PATTOTTORANG 11:2

Riolo iji, ba'lalo ri ri wattu ammarentana ija Saul mae ri kambe, ikattemi tuli ampimpingi tantarana Israel punna maju mange a'bundu'. Nampa pole le'ba'mi a'janji Karaeng Allata'alata, angkanaya ikattemi lampimpingi umma'Na siagang a'jari karaenna ke'nanga.”

PAMMUJI 28:9

Kipasalama' laloi ummatTa, o, Batara, barakkaki sikamma tau Kipatanga. A'jariKi' sanrapang pakalawaki mae ri ke'nanga, na Kijagai ke'nanga sa'genna satunggu-tungguna.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na: