PAMMUJI 78:7 - KITTA' MATANGKASA'

⁷ Lanri kammana anjo manrannuang tommi ke'nanga mae ri Allata'ala, tenamo nakaluppai panggaukanNa, mingka tuli mannuruki ri parentaNa,

PAMMUJI 78:7 ပူးပေါင်းရင်းမြစ်များ

PAMMUJI 103:2

Pujimi Batara, he nyawaku, teako kaluppai sikontu kabajikanNa!

PAMMUJI 105:45

sollanna mannuruki anjo umma'Na ri hukkung-hukkunNa na napinawang parenta-parentaNa. Nipujimi Batara!

PAMMUJI 105:5

He, turunganna Abraham, atanNa, siagang turunganna Yakub tunipileNa, u'rangi sikontu gau' appakalannasa' sikontu le'baka Nagaukang, teako kaluppai sikamma kaputusanNa.

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 40:4

Naajaraka' angkelongangi lagu berua lagu pammuji untu' Allata'alata. Jai tau anciniki siagang a'jari malla', nampa tappa' mae ri Batara.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

PAMMUJI 91:14

Nakana Batara, “LaKupasalamaki tau mangngaia mae ri Nakke, laKupasalamaki tau angngakuiA'.

1 KORINTUS 11:24

na ri wattunna le'ba' appala' sukkuru' mae ri Allata'ala, Nabage-bagemi anjo rotia, nampa Nakana, “Iaminne batangkalengKu nipassareanga untu' ikau ngaseng. Gaukammi anne kammaya untu' pangngu'rangi mae ri Nakke.”

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAOLE 5:29

Ka'de' natuli kammana anjo pa'mai'na ke'nanga! Ka'de' natuli napakalompoA' siagang naturuki sikontu parentaKu, sa'genna salewangang ke'nanga siagang jari-jarina sa'genna satunggu-tungguna!

PAOLE 6:12

katutui baji'-baji' sollanna tena nutakkaluppa mae ri Batara, le'baka allappassangko battu ri Mesir, tampa' le'baka nupammantangngi nipare' ata.

PAOLE 6:21

Musti appialiko angkana, ‘Riolo nipa'jari ataki' ri karaeng Mesir, mingka Nalappassangki' Batara siagang kakoasang lompoNa.

PAOLE 6:25

Punna tamamminraya nyawata anturuki sikontu apa Naparentakanga Karaeng Allata'alata mae ri katte, lamangngellai mae ri katte.’ ”

PAOLE 8:11

“Katutui baji'-baji', sollanna tena nutakkaluppa mae ri Karaeng Allata'alanu; teako bawang-bawangngangi manna pole se'reja battu ri sikontu hukkunNa kupassareanga mae ri kau anne alloa.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

PAPPICINI' 14:12

Lalang ri anne passalaka parallui a'jari sa'bara' Umma'Na Allata'ala, ia amminawang turuka ri parentaNa Allata'ala siagang tamamminraya mae ri Isa.