PAMMUJI 78:55 - KITTA' MATANGKASA'

⁵⁵ Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAMMUJI 78:55 ပူးပေါင်းရင်းမြစ်များ

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.

PAMMILANGNGANG 33:54

Nampa musti nubage a'jari pisakanu; carana nubage iamintu nugoccangi sangkamma loterei. Untu' golongang bija lompoa musti lompo tongi bageanna, nampa mae ri golongang bija ca'dia musti ca'di tongi bageanna.

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”

YOSUA 19:51

Kammaminjo batena Imang Eleazar, Yosua ana'na Nun siagang sikamma kapala kaluarga niaka lalang ri suku-suku bansa Israel ambage-bagei buttaya ri anjo pa'rasanganga. Ammuangi loterei ke'nanga untu' appala' pangngunju' battu ri Batara. Anjorengi ri Silo nagaukang ke'nanga anjo kammaya, ri dallekang pakke'bu' KemaNa Batara. Jari le'ba'mi anjo pambageang buttaya.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.