PAMMUJI 78:54 - KITTA' MATANGKASA'

⁵⁴ Nampa Naerang umma'Na mange ri butta matangkasa'Na, ri moncong Narampasaka KalenNa.

PAMMUJI 78:54 ပူးပေါင်းရင်းမြစ်များ

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PAMMUJI 68:16

Moncong Basan Iami moncong heba', moncong jaia coppo'na.

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.

DANIEL 11:45

Ba'lalo lanatannangi kema kakaraenganNa ri alla'na tamparanga siagang bulu' tampa' pammantanganna Balla'Na Batara. Mingka kale'bakkanna lamatei siagang tena manna sitau lantulungi.”

EFESUS 1:14

Iaminjo RohNa a'jari pammatei mattantua, angkanaya ma'nassa lanitarimai apa le'baka Napa'janjiang Allata'ala mae ri umma'Na. Iaminne ampakajarreki tappatta angkanaya ma'nassa laNalappassangi umma'Na Allata'ala. Nipujimi Allata'ala lanri kala'biranNa.