PAMMUJI 78:5 - KITTA' MATANGKASA'

⁵ Napassareangi hukkunNa mae ri bansa Israel, siagang parentaNa mae turunganna Yakub. Nasuroi boe-boeta ampangngajarrangi mae ri ana'-ana'na ke'nanga,

PAMMUJI 78:5 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAMMUJI 119:152

Battu rioloji nakuasseng battu ri ajarang-ajaranTa, angkanaya Kipattantui untu' satunggu-tungguna.

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 81:5

Saba' kammai anjo paratoranga ri Israel, se're parenta battu ri Allata'alana Yakub.

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

KALAPPASSANG 25:21

Padongkoki anjo ruaya batu lalang ri anjo pattia siagang patabai anjo pattongko'na irateanganna.

KALAPPASSANG 40:20

Nampa nipantama' anjo ruaya batu nipannulisi siagang Sampulo ParentaNa Allata'ala ri Patti Parjanjianga. Nampa napataba Musa pa'rangka'na anjo Pattia siagang napantama kayu pa'bulekanga ri pontona.

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

PAOLE 11:19

Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

PAOLE 31:13

Kammaminjo carana na anjo ana'-ana'nu tenayapa nale'ba' allangngereki hukkunNa Karaeng Allata'alanu akkullemi nalangngere' siagang appilajara' ampakalompoi Batara lalang attalasa'na ke'nanga ri pa'rasangang tenayamo nasallo nanupammantangngi ri ba'leanna Binanga Yordan.”

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

PAOLE 4:45

Anjo kammaya nagaukangi ri assulu'namo ke'nanga battu ri butta Mesir siagang ri nia'na ke'nanga ri ka'bung rayanganna Binanga Yordan, assidallekang siagang kota Bet-Peor. Anjo daeraya le'ba' daerana Sihon, karaenna tu Amori, le'baka ammarenta riolo ri kota Hesybon. Nibetai ri Musa siagang bansa Israel ri wattunna assulu' ke'nanga battu ri butta Mesir.

PAOLE 6:7

Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.