PAMMUJI 78:42 - KITTA' MATANGKASA'

⁴² Tangngu'rangiai ke'nanga ri kakoasanNa, ri allo nipakabebasa'na ke'nanga battu ri balinna,

PAMMUJI 78:42 ပူးပေါင်းရင်းမြစ်များ

PAMMUJI 106:21

Nakaluppai ke'nanga Allata'ala Mappasalama'na ke'nanga le'baka anggaukangi gau'-gau' malompoa ri Mesir.

PAMMUJI 78:11

Nakaluppai ke'nanga sikamma apa le'baka Nagaukang, siagang apa-apa appakalannasa' le'baka nipa'nyatangi ke'nanga.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 14:12

Nakana memang ikambe riolo angkanaya lakammai anne kajarianna! Nipauang memang jako angkanaya tea' mako ganggui ikambe; lappassang tommi ikambe a'jari ata ri Mesir. Bajikangngangi a'jari ataya anjoreng kala matea anrinni ri parang lompoa!”

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YEREMIA 32:21

Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

HAKING-HAKING 8:34

Tenamo nanynyomba ke'nanga mae ri Allata'ala, Batarana ke'nanga, le'baka allappassangi ke'nanga battu ri kakoasanna musu-musu niaka ri tammulilina ke'nanga.