PAMMUJI 78:41 - KITTA' MATANGKASA'

⁴¹ A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

PAMMUJI 78:41 ပူးပေါင်းရင်းမြစ်များ

2 KARAENG-KARAENG 19:22

Maka nuassenji angkanaya inai anjo nupakkana-kanai siagang nupakatuna? INakke, Allata'alana tu Israel, Allata'ala matangkasaka! Teai sipato' tampona panggaukannu mae ri Nakke.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 14:4

Nampa massing angkanamo para ia ke'nanga, “Umba kimmile sitau pamimping nampa ammoterekki' mange ri Mesir!”

LAMPA-LAMPANA 7:39

Mingka manna nakamma, taerokai boe-boeta anturuki kananna. Nisorongbokoi ri ke'nanga, siagang erokangangi ke'nanga ammotereka mange ri butta Mesir.

PAOLE 6:16

Teako paccoba-cobai Karaeng Allata'alanu sangkamma nugaukanga ri Masa.