PAMMUJI 78:15 - KITTA' MATANGKASA'

¹⁵ Nareppeki moncong batua ri parang lompoa, nampa nasare ke'nanga je'ne' inung allumpa-lumpa.

PAMMUJI 78:15 ပူးပေါင်းရင်းမြစ်များ

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

PAMMUJI 114:8

ampinrayai batu karanga a'jari kollang je'ne', siagang moncong batua a'jari timbuseng je'ne'.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

YESAYA 41:18

Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YESAYA 43:20

Lanapakala'birikKa' olo'-olo' liaraka; lamammuji ri Nakke serigalaya siagang jangang-jangang untaya lanri Kupasolongi je'neka ri parang lompoa, siagang binanga-binangaya ri parang luaraka untu' assarei je'ne' ummakKu Kupilea.

YESAYA 48:21

Wattunna Narurungang ke'nanga allalo ri parang kalotoroka, tena nasessa ke'nanga napakamma turere. Napuei Batara moncong batua nampa appasolong je'ne' battu ri batuai Napassulukang je'ne' ke'nanga.

PAMMILANGNGANG 20:11

Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!