PAMMUJI 77:10 - KITTA' MATANGKASA'

¹⁰ Nakaluppaimika Allata'ala untu' angngamaseang? Larroika, sa'genna tenamo pangngamaseanNa?”

PAMMUJI 77:10 ပူးပေါင်းရင်းမြစ်များ

AYUB 42:3

Kikuta'nanga' angkana angngapa kubarani ranggasela ri kacara'dekanTa nampa inakke kalengku tena apa-apa kuasseng. Kupaui apa-apa tenaya nakupahangi, apa-apa sannaka appakalannasa'na ri kalengku anne.

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 73:22

dongoka' natena kupahangi, sanrapanga' olo'-olo' ri dallekanTa.

PAMMUJI 77:5

Takkullea' napatinro Batara punna bangngi, lussaki pa'maikku sa'gengku takkullea akkana.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

MARKUS 9:24

Ammarrang lompomi linta' manggena anjo anaka, nakana, “O Batara, tappakka', mingka kurang jarreki tappakku. Kitulunga' sollanna a'jari jarre' tappakku!”

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.