PAMMUJI 75:7 - KITTA' MATANGKASA'

⁷ Saba' tena nabattu raya yareka battu lau' pangngadelanga tena todong nabattu wara' yareka battu timboro'.

PAMMUJI 75:7 ပူးပေါင်းရင်းမြစ်များ

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 SAMUEL 6:21

Appialimi Daud angkana, “A'jogeka' untu' ampakala'biriki Batara, le'baka antollaki manggenu siagang kaluargana, nampa Napileia' a'jari pamimpinna Israel, umma'Na. Lanri kammana anjo tuli la'jogeka' untu' ampakala'biriki Batara.

PAMMUJI 147:6

Napabangungi tau nijallakkanga, mingka tau ja'dalaka Napatappasaki naung ri buttaya.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”