PAMMUJI 73:9 - KITTA' MATANGKASA'

⁹ Napitinai ke'nanga Allata'ala ri suruga, nakkana borro mae ri sikamma taua ri lino,

PAMMUJI 73:9 ပူးပေါင်းရင်းမြစ်များ

2 PATTOTTORANG 32:15

Teako lappassangi karaennu amballe-balleiko siagang ampadongo'-dongokko! Teako tappaki mae ri ia. Nasaba' manna kemae tena le'bakai nia' rewatana se'rea bansa akkulle ampasalamaki bansana battu ri kakoasanna karaeng Asyur. Mattantuna anjo rewatanu tena todong nakkulle allappassangko!”

AYUB 21:14

Padahala' le'baki angkana ke'nanga ri Allata'ala, ‘BellaKi' anrinni siagang a'lampaKi'! Tanajampangiai ikambe siagang taerokai ikambe ampahangi apa erotTa siagang pattujunTa mae ri tallasa'na ikambe.’

PAMMUJI 52:4

Sila'busu' alloko annipu siagang anrancanakangi apa ja'dalaka; lilanu sanrapangi lading cukkuru' taranga.

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

LUKAS 18:4

Salloi taeroka anjo hakinga antulungi anjo jandaya. Mingka kala'busanna appikkiri'mi anjo hakinga nakana, ‘Manna tena kumalla' ri Allata'ala, siagang tena ngaseng kujampangi taua,

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

PAPPICINI' 13:6

Nampa appakkaramulamo anghinai Allata'ala siagang arenNa Allata'ala. Kamma tomminjo pammantanganNa Allata'ala siagang sikontu tau ammantanga ri suruga nahina ngaseng tommi.