PAMMUJI 73:27 - KITTA' MATANGKASA'

²⁷ Lacilakai tau ambokoiaKi' Kiballassi tau tenaya majarre' mae ri Katte.

PAMMUJI 73:27 ပူးပေါင်းရင်းမြစ်များ

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

ESTER 9:30

Anjo suraka nikiringi mange ri sikontu tu Yahudi, kammayatompa sikamma le'baka nipalemba nikiring tongi mange ri 127 propinsi niaka lalang ri kakaraengang Persia. Anjo suraka nirurungammi siagang pappala' doang naporo tuli amang siagang salewangang bansa Yahudia.

PAMMUJI 106:39

Lanri anjo sikamma panggaukanna a'jari ra'masa'mi ke'nanga, siagang tajarreka ke'nanga mae ri Allata'ala.

PAMMUJI 119:155

Tau ja'dalaka tena nalanipasalama', lanri tena namannuruki ri katantuanTa.

KALAPPASSANG 34:15

Teako appareki parjanjiang siagang bansa niaka anjoreng, nasaba' ri wattunna anynyomba siagang assare koro'bang ke'nanga mae ri rewata-rewatana ke'nanga lanakio' tongko, siagang lanupinawangi ke'nanga.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.