PAMMUJI 72:8 - KITTA' MATANGKASA'

⁸ Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

PAMMUJI 72:8 ပူးပေါင်းရင်းမြစ်များ

1 KARAENG-KARAENG 5:1

Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

PAMMUJI 80:11

Kila'langi bulu'-buluka, siagang tangke-tangkenna Kitongkoki poko'-poko' kayu arasa' lompo.

PAMMUJI 89:25

Latuli Kukamaseangi siagang talamamminrayA' mae ri ia, siagang laKupa'jari pila' makoasai.

PAMMUJI 89:36

SikalijA' assumpa untu' satunggu-tungguna lanri areng matangkasakKu; tena Kula'balle-balle mae ri Daud.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

ZAKHARIA 9:10

Nakana Batara, “LaKupelaki kareta-kareta pa'bundukang battua ri Efraim, sikontu jarang niaka ri Yerusalem laKupa'lanynyaki siagang sikontu panaya laKuancuruki. Lanapa'la'bangi napabattu Karaennu passiamakkanga ri alla'na bansa-bansaya. Lakoasai battu ri tamparang se'rea mange ri tamparang maraenga, battu ri Binanga Efrat sa'genna ri cappa'na linoa.”

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”