PAMMUJI 72:12 - KITTA' MATANGKASA'

¹² Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

PAMMUJI 72:12 ပူးပေါင်းရင်းမြစ်များ

2 SAMUEL 14:16

Napikkiriki atanta angkanaya lakipilangngeri siagang lakipasalamaki atanta battu ri tau eroka ambunoi atanta siagang ana'na atanta. Eroki ke'nanga ampattaenai ikambe battu ri butta Napassareanga Allata'ala mae ri umma'Na.

AYUB 29:12

Saba' kutulungi tu kasi-asi appalaka bantuang; kubantui ana' kukang tenaya antallassi.

AYUB 36:15

Naajaraki Allata'ala rupataua siagang kapa'risang, Napakei kasusaanga untu' ampasailei taua.

PAMMUJI 10:17

Batara, Kipilangngeri pappala' doanna tau tunaya na Kipakajarre' pa'mai'na ke'nanga.

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAMMUJI 102:20

Acciniki Batara battu rate ri tampa' tinggina, battu ri suruga attoa' naung ri lino

PAMMUJI 55:17

Mingka akkioka' mae ri Allata'ala, Batara lampasalamakka'.

PAMMUJI 72:4

Poro naalleangangi karaenga ha'na ra'ya' ca'dia, natulung tu kasi-asia siagang natumpasa' sikamma tau anjallakkangiai ke'nanga.

PANGNGEBARANG 29:7

Tau bajika naassengi ha'na tau lammaya, mingka tau ja'dalaka tanapahangai.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

LUKAS 7:22

Jari appialimi Isa Nakana, “Ammotere' mako mae ri Yohanes na nupauang apa le'baka nulangngere' siagang nucini': accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, siagang nibirittakammi Kabara' Baji' battua ri Allata'ala, mae ri tu kasi-asia.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

1 SAMUEL 22:2

Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.