PAMMUJI 72:10 - KITTA' MATANGKASA'

¹⁰ Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 72:10 ပူးပေါင်းရင်းမြစ်များ

PA'JARIANG 10:7

Sossoranna Kus iami a'jari pandudu' ri Seba, Hawila, Sabta, Raema, siagang Sabtekha. Sossoranna Raema iami a'jari pandudu' ri Syeba siagang Dedan.

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

1 KARAENG-KARAENG 10:2

Battui a'rurung siagang jai parurunna siagang unta battalaka napakamma lurang rampa-rampa, batu paramata, siagang sanna' jaina bulaeng. Ri wattu assibuntulu'na siagang Salomo, sangka' rupami napakkuta'nangngang akkullea napikkiri'.

1 KARAENG-KARAENG 10:25

Massing battui ke'nanga angngerang hadia untu' Salomo. Massing assarei ke'nanga barang-barang pera', bulaeng, pakeang, sanjata, rampa-rampa, jarang siagang keledai. Kammaminjo taung-taung.

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

ESTER 10:1

Karaeng Ahasyweros napassai taua anjama; teai ri ra'ya' niaka bawang ri biring-biring tamparang napassa anjama, mingka manna sikamma ra'ya' niaka ri padalamang lalang ri kakaraenganna napassa ngasengi anjama.

PAMMUJI 45:12

Kaga'gannu angkontaki karaenga, ia karaennu, tundu' mako mae ri ia.

PAMMUJI 68:29

Natuntuki Allata'ala kagassingannu; o, Allata'ala, pakajarreki apa le'baka Kigaukang mae ri kambe.

PAMMUJI 68:30

Sikamma karaenga angngerangi passare mae ri Katte ri BallatTa ri Yerusalem.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YESAYA 60:3

A'balulungi bansa-bansaya battu mange ri singara'nu, nikontaki sikamma karaenga ri caya ammumbaya mae ri kau.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.