PAMMUJI 71:23 - KITTA' MATANGKASA'

²³ Akkio' marannua' ma'reja-reja, na kumakkelong mammuji ri Katte. Nyawaku siagang tubuku makkelong rannu, saba' le'ba'ma' Kipasalama'.

PAMMUJI 71:23 ပူးပေါင်းရင်းမြစ်များ

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

2 SAMUEL 4:9

Mingka appialimi Daud angkana, “Batara mattallasaka, le'baka ampasalamaka' battu ri sikontu balaya, Naassengi angkanaya annabai anne lakukananga.

PAMMUJI 103:4

Ia ampakabebasaki nyawanu battu ri kuburuka, assareko pangngamaseang alla'bi-la'bi.

PAMMUJI 104:33

Erokka' akkelong mae ri Batara lalang tallasakku, akkelong pammuji mae ri Allata'alaku lalang niakku ija.

PAMMUJI 34:22

Tu ja'dalaka lamatei lanri kaja'dallanna, tu birisika mae ri tu bajika lanihukkungi.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.