PAMMUJI 71:20 - KITTA' MATANGKASA'

²⁰ Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

PAMMUJI 71:20 ပူးပေါင်းရင်းမြစ်များ

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAMMUJI 60:5

Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

PAMMUJI 80:18

Kijagai tau le'baka Kipile, ana' rupatau Kipa'jari gassinga untu' kalenTa.

PAMMUJI 85:6

Untu' satunggunaka Kikalarroi ikambe? Tuli lalarroKi' mae ri turunganna ikambe?

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

PAMMUJI 95:4

Ia angkoasai bageang-bageang kaminang lantanna buttaya, coppo'-coppo'na monconga Ia todong pata.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YUNUS 2:6

Je'ne' tu'guruka narapiki bangkenna pa'monconganga, ri lino takkoncia pakke'bu'na sa'genna kala'busang jammang. Poso dudumi nyawaku lalang ri kalengku nampa angngu'rangia' siagang akkio' mae ri Katte. Nata'rapi'mo pappala' doangku mae ri Katte, antama' ri Balla' matangkasatTa. Nampa Kipanaika' battu lalang ri tamparanga, o Karaeng Allata'alaku!

MARKUS 15:34

Na ri wattunna narapi'mo tette' tallu ri karuenga, ammarrang lompomi Isa angkana, “Eloi, Eloi, lama sabakhtani?” battuanna, “O Allata'alaKu, o Allata'alaKu, angngapa na NubokoiA'?”

LAMPA-LAMPANA 2:24

Mingka nipattallasa' poleangi ri Allata'ala battu ri alla'na tau matea. Nia'luki ri kamateanga, mingka nilappassangi ri Allata'ala, lanri tena olona lakkulle tuli lanikoasai ri kamateanga.

EFESUS 4:9

Jari, punna nikana “naiki” battuanna Iami uru-uru le'baka naung sa'genna ri tampa' kaminang rawaya ri anne buttaya.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.