PAMMUJI 71:16 - KITTA' MATANGKASA'

¹⁶ Kupuji gau' malompoTa, o Karaeng Allata'ala, kupa'la'bangi kaadelanTa, kaadelanTa bawang.

PAMMUJI 71:16 ပူးပေါင်းရင်းမြစ်များ

PAMMUJI 106:2

Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 29:11

Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 71:15

Sila'busu' alloi lakucarita sikamma gau' adeletTa, na kasalamakkang battua ri Katte nisawalaka nirekeng jaina.

PAMMUJI 71:19

O, Allata'ala, kaadelanTa sanrapangi langika tinggina; tamaka lompona sikamma panggaukanTa; inaimi akkulle ampasangkammaiKi?

PAMMUJI 71:2

Kilappassang laloa', saba' iKatte adelekKi', Kipilangngeria' siagang Kipasalamaka'.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

YESAYA 26:13

Le'baki ikambe nikoasai ri karaeng-karaeng maraeng, mingka iKatteji bawang naakui ikambe, o, Karaeng Allata'alana ikambe!

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

ROMA 3:21

Mingka kamma-kamma anne Nasaremi Allata'ala oloang rupataua sollanna akkulle assibajiki siagang Allata'ala; na anjo carana, tena sikali passisambunganna siagang hukkung-hukkung agamana tu Yahudia. Kitta'-kitta'nami Musa siagang na'bi-na'bia ampa'nyatai anjo passalaka;

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

PAOLE 33:25

Nila'langngi pakke'bu' lompo tambaga siagang bassi kota-kotana sollanna tuli salewangang tojeng-tojeng lalang tallasa'na.”

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.