PAMMUJI 69:5 - KITTA' MATANGKASA'

⁵ Tau birisika ri nakke natena passabakkanna, la'bi jaiangngangi najaina uukku ri ulungku. Tau gassinga eroki angngancurukka'; nabakkaia' siagang napitina' ke'nanga. Napassa' ampoterangi barang-barang tenaya nakualle passa.

PAMMUJI 69:5 ပူးပေါင်းရင်းမြစ်များ

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 38:5

Tallanga' lalang ri a'ba kasalangku, teai sipato' battala'na eranganna dosaku.

PAMMUJI 38:9

Ancuru'ma' siagang tenamo kagassingangku, akkunrarenga' lanri lussa'na pa'maikku.

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.