PAMMUJI 68:26 - KITTA' MATANGKASA'

²⁶ A'jappai ri dallekang sikamma pakelonga, ri bokona sikamma pakarena kacapia; ri tangngana sikamma tulolo patunrung rabanaya; kammaminne kelonna ke'nanga:

PAMMUJI 68:26 ပူးပေါင်းရင်းမြစ်များ

PAMMUJI 107:32

Napa'la'bangi ke'nanga kalompoanNa Batara ri tangngana umma'Na, siagang mammuji ri Ia lalang ri pa'rappunganna tutoa-toaya.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAMMUJI 26:12

Jari amanga' battu ri sikontu bahayaya, lamammujia' ri Batara lalang ri passe'reang umma'Na.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

PANGNGEBARANG 5:16

Tena matu-matunnu a'boya kanyamangngang mae ri baine teai bainennu.

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.