PAMMUJI 66:14 - KITTA' MATANGKASA'

¹⁴ janji le'baka kupau wattungku nia' lalang kasusaang.

PAMMUJI 66:14 ပူးပေါင်းရင်းမြစ်များ

2 SAMUEL 22:7

Lalang kasukkarrangku kumakkio' ri Batara, ma'gora ri Allata'alaku appala' tulung. Battu ri Balla'Na Nalangngereki sa'rangku na Naparhatikang pakkiokku.

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMILANGNGANG 30:12

Mingka punna nipisangkai ri bura'nenna ri wattunna nalangngere' anjo passalaka, anjo bainea tenamo natassikko' ri tinja'na yareka janjinna. Lanipammopporangi ri Batara, lanri nipisangkaina ri bura'nenna.

PAMMILANGNGANG 30:2

Punna nia' tu bura'ne attinja' yareka appau janji siagang sumpa mae ri Batara, sa'genna nasikko' kalenna siagang se'reang janji, musti narupai anjo apa napa'janjianga, siagang takkulleai tanarupai anjo kananna.

PAMMILANGNGANG 30:8

Mingka punna nipisangkai ri bura'nenna ri wattunna nalangngere' anjo passalaka, tena natassikko' ri anjo tinja'na yareka janjinna. Lanipammopporangi ri Batara.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”