PAMMUJI 66:11 - KITTA' MATANGKASA'

¹¹ Kibalang parekangi ikambe tu'guru' antama' ri sikkoka, na Kisare ikambe erangang sannaka battala'na.

PAMMUJI 66:11 ပူးပေါင်းရင်းမြစ်များ

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

HOSEA 7:12

Mingka sampang allaloi ke'nanga, attannangA' sikko' nampa Kujakkala' ke'nanga rapang tau anjakkalaka jangang-jangang. LaKuhukkungi ke'nanga lanri sikamma kaja'dallanna ke'nanga Kuassengamo.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAOLE 33:11

O Batara, Kitulungi anne sukua sollanna kassa', sollanTa sannang mae ri apa nagaukanga ke'nanga. Ancuruki sikontu musunna ke'nanga; panraki sa'genna satunggu-tungguna.”