PAMMUJI 64:10 - KITTA' MATANGKASA'

¹⁰ Nampa lamalla' ngasemmo taua; nanawa-nawai panggaukanNa Allata'ala na nakabarrang apa le'baka nacini' Nagaukang.

PAMMUJI 64:10 ပူးပေါင်းရင်းမြစ်များ

AYUB 22:19

Tau bajika, ammakkala' rannui, punna nacini' tau ja'dalaka anggappa hukkungang.

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PAMMUJI 112:2

Lakoasai ana'-ana'na ri anne pa'rasanganga, turungang tau baji' siagang lanibarakkaki.

PAMMUJI 25:20

Jagaia' siagang Kipasalamaka', sollanna tena kunggappa siri' saba' ma'la'langa' mae ri Katte.

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!