9 Kuta'gala' majarrekKi', limanTa antumpaka'.
Tarawang ngasengi ke'nanga lalang ri limbu'buka; kurungi ke'nanga lalang ri linona tau matea.
O, Batara, Kila'langia' siagang Kipasalamaka', Kipakajarreka' siagang koasaTa; a'jari porema' lanri gautTa.
Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.
Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.
A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.
O, Batara, Kipasalama' laloa', o, Batara sadia maKi' untu' antulunga'!
Riolo sileporangki' siagang baji', biasaki' siagang assambayang ri Balla'Na Batara.
Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.
O, Allata'ala, pasalamaka', O, Batara, karo-karo maKi' antulunga'!
Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.
Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.
Inaika anjo, niaka battu ri parang lompoa ammanjeng ri tanrinna? Kupabangungko irawanganna poko' appele', tampa'nu nitianangngang siagang nilassukang.
Kale'bakkanna nipaloposokko antama' ri bageang kaminang lantanga ri lino tau matea.
mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.
Assua'-suara'mi lino tau matea anruppai kabattuanna anjo karaeng Babel. Ambangummi sikamma nyawa tau koasaya riolo ri lino, siagang nyawana sikamma karaenga riolo ambangung tommi battu ri empoang kala'biranna ke'nanga.
Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.
Ikau siagang tu Israel laNapassareangko mae ri tu Filistin. Ammuko, ikau siagang ana' bura'nenu la'rappungangko siagang inakke; ba'lalo sikontu tantara Israel lanipassareang tongi mae ri tu Filistin.”
