PAMMUJI 63:8 - KITTA' MATANGKASA'

⁸ saba' iKattemi le'ba' antulunga'; akkelong rannua' lalang la'lanna ka'nyitTa.

PAMMUJI 63:8 ပူးပေါင်းရင်းမြစ်များ

2 PATTOTTORANG 31:21

A'jari jama-jamanna, lanri sikontu apa nagaukanga untu' Balla'Na Batara yareka untu' anturuki hukkung-hukkunNa Batara, attojeng-tojengi pa'mai'na anggaukangi siagang attojeng-tojengi pa'mai'na mangngamaseang ri Karaeng Allata'alana.

PAMMUJI 18:35

Nalatia' untu' a'bundu', sa'genna akkulle kupabantang anrong pana kaminang kassaka.

PAMMUJI 37:24

Punna tu'guru' tena nalasanna' bokka'na nasaba' nita'galaki limanna ri Batara.

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

PAMMUJI 73:23

Mingka tuli niaka' ri ampitTa, Kita'galaki lima kanangku.

PAMMUJI 73:25

Inai kupatang ri suruga pantaranganna iKatte? Pantaranganna iKatte tena kukaeroki ri lino.

PAMMUJI 94:18

Wattu kunawa-nawana angkana latu'gurukka', pangngamaseanTa, o, Batara, ampa'jaria' ammenteng kassa'.

KELONG MALA'BIRI' 2:6

Lima kairinna anriwai ulungku, na lima kananna anrakaka'.

KELONG MALA'BIRI' 3:2

Eroka' ambangung na kua'lampa akkuliling kota, anjappai sikontu aganga siagang loronga. Eroka' amboyai tu ta'dongkoka ri atingku; kuboyai, mingka sia-siaji bawang.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

LUKAS 13:24

“Usaha mako antama' siagang numalo ri pakke'bu' seppaka. Nasaba' u'rangi! Jai sikali tau ero' antama' mingka takkulleai.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.