PAMMUJI 63:11 - KITTA' MATANGKASA'

¹¹ Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

PAMMUJI 63:11 ပူးပေါင်းရင်းမြစ်များ

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 21:1

Untu' pamimping pakelong. Pammujina Daud.

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 44:20

Mingka Kibokoi ikambe lalang ri sassanga; tena pakkullena ikambe ri alla'na olo'-olo' sekkeka.

YESAYA 19:18

Anjo wattua bicara Ibrani lanipake lalang ri lima kota ri Mesir. Lappareki sumpa tau niaka anjoreng lalang arenNa Batara Kaminang Makoasaya. Kalase'renna anjo kotaya laniarengi “Kota Mataallo”.

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

YESAYA 65:16

Tunggala' taua ri anjo pa'rasanganga, ia appalaka barakka', lanapalaki sollanna nibarakkaki ri Allata'ala tamamminraya. Tunggala' taua eroki assumpa; lassumpai lanri arenNa Allata'ala tamamminraya. Saba' kasessang rioloa tappela'mi siagang nikaluppaimi.”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

IBRANI 6:13

Ri wattunna a'janji Allata'ala mae ri Abraham, assumpai angkanaya laNarupai anjo apa Napa'janjianga. Nasaba' tenamo tinggiangang na Allata'ala, jari assumpami lalang areng KalenNa.

1 SAMUEL 23:17

Nakana Yonatan ri ia, “Teako mallakki, tena nulatu'guru' antama' ri limanna manggeku. Baji' naassenna angkanaya ikau la'jari karaeng Israel, siagang inakke langgappa empoang rawangannu.”

1 SAMUEL 24:20

Kamma-kamma anne tappa'ma' angkanaya ikau la'jari karaeng ri Israel, siagang angkanaya lakassaki kakaraenganna Israel irawangang parentanu.