PAMMUJI 62:8 - KITTA' MATANGKASA'

⁸ Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 62:8 ပူးပေါင်းရင်းမြစ်များ

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

PAMMUJI 102:1

Pappala' doang tau ballasa', sanna' mangnganna nakkunrareng ri Batara.

PAMMUJI 142:2

Kulompoi sa'rangku akkio' mae ri Batara; kugassingi sa'rangku appala' bantuang battu ri Ia.

PAMMUJI 18:2

Mangngaia' ri Katte, o, Batara, iKattemi kagassingangku.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:2

Allata'ala pa'la'langangku siagang kagassingangku; tuli sadiai siagang akkullei antulunga' lalang kasukkarang.

PAMMUJI 71:7

A'jari contoi tallasakku mae ri tau jaia, saba' iKattemi pa'la'langang majarrekku.

PAMMUJI 91:2

akkullei angkana ri Batara, “IKattemi Tumappatojengku siagang pa'la'langangku, Allata'alaku, iKattemi kupatappa'.”

PAMMUJI 94:22

Mingka Batara Tumappatojengku, Allata'alaku a'jari pa'la'langangku.

PANGNGEBARANG 14:26

Tau mappilangngeria ri Batara a'jari amangi, siagang kaluargana lania' pa'la'langanna.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

YESAYA 26:4

Tuli tappa' mako mae ri Batara, saba' Karaeng Allata'ala tuli anjagaiki'.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

PIRAUNG 2:19

Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.