PAMMUJI 61:7 - KITTA' MATANGKASA'

⁷ Poro la'bu lalo umuru'na karaenga, sa'genna attallasa' a'bija-bija.

PAMMUJI 61:7 ပူးပေါင်းရင်းမြစ်များ

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

2 SAMUEL 7:26

Ri kere-keremae tuli lanapakalompoi taua arenTa siagang angkana, ‘Batara Kaminang Koasaya, Iami Allata'ala mae ri tu Israel.’ Na nia' sitau battu ri jari-jarina lammarenta salaku karaeng mae ri anne bansaya sa'genna satunggu-tungguna.

PAMMUJI 21:5

Appalaki katallassang, naKisareang, umuru' mala'bu sa'genna satunggu-tungguna.

PAMMUJI 40:11

Tena kuboliki anjo kabara' kasalamakkanga ri atingku, tuli kukabarrangi pannulunTa siagang tamamminraTa. Tena ku'mereki ri dallekanna pa'rappunganna ummatTa, mingka tuli kupappiassengangi pangngamaseanTa na tamamminraTa.

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

PAMMUJI 43:3

Pa'nyatai tamamminraTa untu' angsingaria' siagang angngulua', sollanna kummotere' mange ri Sion, bulu' matangkasatTa antama' ri Balla' PammantanganTa.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PANGNGEBARANG 20:28

Punna ammarenta karaenga siagang mangngamaseang, lambusu', siagang adele', latuli makoasai.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.