PAMMUJI 61:2 - KITTA' MATANGKASA'

² Kipilangngeri pakkiokku, o, Allata'ala, parhatikangi pappala' doangku.

PAMMUJI 61:2 ပူးပေါင်းရင်းမြစ်များ

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

PAMMUJI 143:4

Tappu'mi sumangakku, sanna' linguna pa'maikku.

PAMMUJI 17:1

Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.

PAMMUJI 18:2

Mangngaia' ri Katte, o, Batara, iKattemi kagassingangku.

PAMMUJI 18:46

Tenami kabaranianna ke'nanga; annekkere' siagang assulu' battu ri pammantanganna.

PAMMUJI 27:5

Najagaia' Batara ri wattungku lalang kasukkarang; Nacokkoa' lalang ri Balla'Na, na Naangkaka' nai' ri moncong batua.

PAMMUJI 40:2

Sa'barakka' antayangi bantuanNa Batara; nampa Naparhatikanga' siagang Napilangngeri pakkiokku.

PAMMUJI 42:6

Angngapa nasi'na siagang lussa' pa'maikku? Manrannuanga' ri Allata'ala. Na kulappala' sukkuru' pole mae ri Ia, ri Allata'alaku siagang Tumappasalamakku.

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

PAMMUJI 55:5

Sanna' lussa'na pa'maikku, nipakamallaka' ri karama'na kamateanga.

PAMMUJI 62:2

Kupakasannangi nyawaku antayangi Allata'ala, battu ri Iaji bawang kasalamakkanga.

PAMMUJI 62:6

Kupasannangi nyawaku antayangi Allata'ala, battu ri Iaji bawang kasalamakkangku.

PAMMUJI 77:3

Ri wattungku kasukkarrang appala' doanga' mae ri Batara; sila'busu' bangngi tena kulanre ampatarai limangku, mingka taerokai nisaleori pa'maikku.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.