PAMMUJI 6:8 - KITTA' MATANGKASA'

⁸ Tabajikami paccinikku napakamma si'na nanremeng-remeng lanri musu-musungku.

PAMMUJI 6:8 ပူးပေါင်းရင်းမြစ်များ

AYUB 17:7

Tabajikami paccinikku lanri susaku; roso' ta'ronammi sikontu tubuku.

PAMMUJI 116:8

Napata'lappasa'ma' Batara battu ri kamateanga; Nasaleoria' siagang tena Nalappassanga' tu'guru'.

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 139:19

Poro kitumpasa' lalo tau ja'dalaka, o, Allata'ala, Kipakabellai battu ri nakke tau appasolonga cera'!

PAMMUJI 145:18

A'reppeseki mae ri tau akkioka mae ri Ia, siagang appalaka mae ri Ia siagang tulusu' pa'mai'na.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 31:10

Kikamaseanga', o, Batara, saba' niakka' lalang kasusaang; paccemi matangku napakamma angngarru', ta'ronammi nyawaku siagang batangkalengku.

PAMMUJI 56:8

Maka nia' kasalamakkang untu' kaja'dallanna ke'nanga? Kiancuru' lalomi ke'nanga lalang larroTa, o, Allata'ala!

YESAYA 30:19

He, ikau niaka ammantang ri Yerusalem, tena nutulusu' langngarru'. Mangngamaseangi Batara, siagang lalintaki appiali ri kau punna akkiokko appala' tulung ri Ia.

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

YESAYA 38:5

ammotere' poleang mange ri Hizkia nampa napabattu anne pasanga angkana, “INakke, Batara, Allata'ala nasombaya Daud boenu, Kulangngere'mi pappala' doannu siagang Kucini'mi je'ne' matannu. LaKutambai umuru'nu sampulo allima taung sallona.

PIRAUNG 3:56

Kupala' dudui gassingka Kitongkoki tolinTa mae ri pappalakku sollanna Kitulunga'. NaKipilangngerimo pappalakku, siagang battu maKi' a'reppese'; Kikana, ‘Teako mallakki.’

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

LUKAS 13:27

Mingka lanakanamo pole anjo karaenga, ‘Takuassengako angkana tau battu kemaeko. Bellako anrinni, ikau tau a'gau' ja'dalaka!’

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.