PAMMUJI 6:6 - KITTA' MATANGKASA'

⁶ Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

PAMMUJI 6:6 ပူးပေါင်းရင်းမြစ်များ

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

AYUB 16:20

Kunicau-cau siagang nikakkali ri bela-belaku; angngarruka' andallekang ri Allata'ala appala' bantuang.

AYUB 7:3

Pila' mange bulang tallasakku tattantuai natujua; pila' mange bangngi rassi atingku siagang kasi'nang.

PAMMUJI 115:17

Tena nipuji Batara ri tau matea, ri tau naungamo ri tampa' sinoa.

PAMMUJI 30:10

“Apa matu-matungku mae ri Katte punna matea' siagang naunga' ri kali'bong kuburuka? Maka lakkullei tu matea mammuji mae ri Katte siagang nakabarrang tamamminraTa?

PAMMUJI 38:9

Ancuru'ma' siagang tenamo kagassingangku, akkunrarenga' lanri lussa'na pa'maikku.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

PAMMUJI 42:3

Nakkuka' ri Allata'ala mattallasaka, angngapapi kunampa akkulle mange assambayang ri Balla'Na?

PAMMUJI 69:3

Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

PAMMUJI 88:11

Apaka untu' tau matea naKigaukang gau' appakalannasaka? Maka ambangungi ke'nanga nampa mammuji mae ri Katte?

PAMMUJI 88:9

Kipakabella ngasengi sikontu passiassengangku battu ri Nakke, Kipa'jari tau appakaringikka' mae ri ke'nanga. Takkurunga' siagang takkullea' assulu',

YESAYA 38:18

Tena ampujiKi' lalang lino tau matea, tau matea takkulleai manrannuang ri tamamminraTa.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

LUKAS 7:38

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.