PAMMUJI 59:4 - KITTA' MATANGKASA'

⁴ Ciniki, naadanga' ke'nanga ero' ambunoa', asse'rei tau pallaka ambalianga'; nateai passabakkang le'ba'na kugaukang dosaya yareka passabakkang nia'na kudakkai, o, Batara.

PAMMUJI 59:4 ပူးပေါင်းရင်းမြစ်များ

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 35:23

Ammenteng maKi' naKipattojenga' ri parkaraku, o, Allata'alaku siagang Bataraku, Kitulung laloa'!

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

PAMMUJI 5:6

TaKitahangngai anciniki tau tampoa, Kikabirisi tau ma'gau' ja'dalaka.

PAMMUJI 56:7

A'rappungammi ke'nanga ri tampa' taccokkoa, anjannangngi sikontu panggaukangku, siagang a'boya kasampatang untu' ambunoa'.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

LAMPA-LAMPANA 23:15

Jari, akkiring maki' sura' siagang anggota-anggota Pangadelang Agamaya mae ri anjo komandang pasukanna tantara Romaya. Kipalaki ri anjo komandanga sollanna naerang pole Paulus ri pangadelang agamaya, sangkamma eroki kiparessa baji'-baji' ammotere' parkarana. Nampa sadia memang ikambe ambunoi ilalang tenanapa nanrapi' mae anrinni.”

ROMA 3:15

Sanna' linta'na a'dakka bangkenna ke'nanga punna ero' assessa tau siagang ammuno.

1 SAMUEL 19:4

Nampa nabicaramo Yonatan kabajikanna Daud mae ri Saul, angkana, “Bapa', teaki panraki anjo atanta Daud. Nasaba' tena apa-apa kasalang le'ba' nagaukang mae ri katte. Ba'lalo jai sikalimi jasana mae ri katte.