PAMMUJI 59:16 - KITTA' MATANGKASA'

¹⁶ A'la'bangi ke'nanga a'boya kanre, nappilollong la'bu punna tabassora.

PAMMUJI 59:16 ပူးပေါင်းရင်းမြစ်များ

2 SAMUEL 22:3

Batara rapang pattahangngang makassa' a'jari tampa' pa'la'langangku. Allata'alaku rapang moncong batu, tampa' pa'la'langangku. Rapang pa'lapa' barambang antongkoka', siagang anjagaia' sollangku tuli amang.

AYUB 15:23

Attayangi balangkoaka ri wattu kamateanna eroki ke'nanga angkanrei maya'na. Jari angngu'rangimi angkana sassangi allo lanadallekanga.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

PAMMUJI 101:1

Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

PAMMUJI 106:8

Mingka Batara Napasalamaki ke'nanga lanri kalenna tonji, sollanna a'jari a'nyata kaporeanNa.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PAMMUJI 145:11

Lanapakalompoi kakoasanTa a'jari Karaeng, siagang nacarita kaporeanTa,

PAMMUJI 21:13

Lanapabuccuki ana' panana, sa'genna a'boko lari ke'nanga.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 31:7

Tau anynyombaya barhala Kikabirisi; mingka inakke tappaka' mae ri Batara.

PAMMUJI 36:5

Ri katinroanNa narancana kaja'dallanga; tena baji' apa nagaukanga, ja'dalaka tanatollakai.

PAMMUJI 4:1

Untu' pamimping pakelonga. Nirurungangi ri kacapi. Pammujina Daud.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

PAMMUJI 77:2

Assa'ra lompoa' akkio' mae ri Allata'ala; assa'ra lompoa' akkio', na napilangngeria'.

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

PAMMUJI 88:13

Niakka tau angngassengi gau' appakalannasatTa lalang ri sassanga, yareka kabajikanTa ri pa'rasanganna tau nikaluppaia?

PAMMUJI 89:1

Kelong pangngajara' battu ri Etan, tu Ezrahi.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

ROMA 15:9

Napa'jari tommi Isa bansa-bansa maraenga appakala'biri' mae ri Allata'ala, lanri baji' pa'mai'Na Allata'ala mae ri ke'nanga. Nia' tattulisi' lalang ri Kittaka, angkanaya, “Lanri kammanami anjo nakulamammuji-muji mae ri Katte ri tangnga-tangngana bansa-bansaya, lamakkelonga' mammuji-muji mae ri arenTa.”

2 KORINTUS 1:10

Iami le'baka ampasalamaki ikambe battu ri bahaya lompona anjo kamateanga. Kammayatompa Ia tommi sallang lampasalamaki ikambe ri allo-allo labattua. Nasaba' Iami panrannuanna ikambe.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”