PAMMUJI 59:12 - KITTA' MATANGKASA'

¹² TeaKi' bunoi ke'nanga, o, Batara, sollanna bansaku tena nakaluppai. Kipasimbungi siagang Kibetai ke'nanga siagang koasaTa, o, Batara, pa'la'langanna ikambe.

PAMMUJI 59:12 ပူးပေါင်းရင်းမြစ်များ

AYUB 12:24

Napa'lingui sikamma pamimpinga, sa'genna piti lampa-lampai tanaassengai lanatujua ke'nanga.

PAMMUJI 10:2

Tampomi tu ja'dalaka anjallakkangi tu kasi-asia; boli'mi kamma nialle ke'nanga ri sikko' napare' kalenna.

PAMMUJI 10:7

Tulusu' mattunrana, anggaratta' siagang annipu, kana-kananna sangnging kabirisang siagang kaja'dallang.

PAMMUJI 79:12

O, Batara, Kibalasaki anjo bansa-bansa a'lappi tuju lanri sikontu panghinaanna mae ri Katte.

PANGNGEBARANG 11:6

Tau lambusuka salamaki lanri te'nena pa'mai'na; tau tenaya nakkulle nipatappa', ta'loposoki lanri kangoanna.

PANGNGEBARANG 12:13

Tau ja'dalaka niallei ri sikko' kana-kana kodi napasuluka; tau bajika nipalili battu ri kasukkarranga.

PANGNGEBARANG 18:7

Bicaranna tau toloa napanraki kalenna; nisikkoki ri kana-kana kalenna.

PANGNGEBARANG 6:2

Siagang le'ba' tongko kapang kasikkokang ri kana-kanannu siagang nialle sikko' ri janji kalennu tonji.

PIRAUNG 3:62

Tuntungalloa' nabicara ke'nanga. Untu' ancilakaia', appareki ke'nanga rancana palla'.

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

MATIUS 27:63

Na angkana ke'nanga, “Nau'rangi ikambe angkanaya ri wattu attallasa'na anjo patipua le'baki angkana, ‘Ri makatalluna alloa lattallasa' poleangA'.’

LUKAS 23:5

Mingka pila' nakanamo ke'nanga, “Battu ri pangngajara'Na, naNaajara' sala taua ri sikontu Yudea; appakkaramulai ri Galilea Naajara' sala taua, na kamma-kamma anne anrapi'mi mae anrinni pangngajara' salaNa.”